E prevozeskiri uprava

E prevozeskiri uprava kerela buti te šaj te postigninel šukar dostupnost, baro kvaliteti, sigurimo hem ekologikano transportiriba ki sastrnali pruga, avijacija, pomorstvo hem drumo. Amen anaja pravilia, daja dozvole hem kontrolirinaja sar sa odova sledinelape. Amare spisakoja keraja buti, maškar aver, taksencar/dažbinencar, dozvolencar hem e vlasnikoskere menibaja.

Amende isi 1 750 bučarne ko 13 thana ki phuv. O hembaro kotor bari amari buti isi ko Borlänge, Norrköping hem Örebro. I šerutni kancelaria tani ko Norrköping.

Amari bučakiri idea

Amen buvljaraja jek dostupno transportiribaskoro sistemi so anaja ko obzir o siguriba, e dživdipaskiri sredina hem sastipa. E kompetenciakere respektea amare themutnenge hem prema o privrede formirinaja pravilia hem kontrolirinaja sa odova te sledinelpe. Amen snabdinaja e dživdipaskere sredina informaciencar bašo prevozeskoro sredstvo hem vozačia. Amen keraja buti e sorokupno dikhibaja, efektiviteti hem isi amen baro uslugengoro nivo ko amaro kontaktiriba e dunjaja.

Komunikaciono drumo

Sa o phirutne, inkuzivno ola so paldena točako ja so phirena, važinela olenge amare komunikaciakere pravilia. Ola svugde važinena, hem ko drumia hem ko tereni. Osim e komunikaciakere pravilia isto odgovorinaja te primenina o uredbe bašo komunikaciono znakia. Amen produktirinaja hem distribuirinaja švedikane pasošia hem registriribaskere table. Amen vastingaraja propisia bašo vozibaskiri edukacia, vozibaskiri dozvola hem stvorinaja džanibaskoro ispit sa e vozibaskere dozvolakere kompetencia. Baši zanateskiri komunikacia formirinaja pravilia so rodena lejbe vozibaskiri dozvolakiri kompetencia, te izdainelpe komunikaciono dozvola baši robakiri – hem avtobuzeskiri firma hem pravilia phare vordonengere merenge hem kilaža. Avera tehnikane vordonengere pravilia obično odlučinenape prekal internacionalnikane odluke kote so e Prevozeskiri uprava (Transportstyrelsen) učetvuinela, hem o zahtevi posle razjasninenape ko amare propisia. Amen isto izvšinaja nadzor ko pazari bašo vordonengoro tehnikano kontroliriba.

Sastrnali pruga

Amen daja hem kontrolirinaja o dozvole odolenge so mangena te bavinenpe e sastrunale prugakere komunikaciaja ki Švedia. Šaj te kerelpe lafi bašo bare infrastrukturakere upravnikia sar ko misal e Komunikaciono uprava (Trafikverket) ko privatnikane sastrnale prugakere firme. Amen priznainaja vordona, infrastrukture, šinengere objektia hem signaleskere sistemia angleder te upotrebinenpe
Nadzori prema e siguribaskoro upravibaskoro sistemi hem dozvola ko šine ovela ko isto zahtevia hem pravilia bašo sastipa hem sastipaskoro dikhibe odolenge so kerena buti ki šinengiri komunikacia kote so isto olenge siam odgovorno.

Pomorstvo

Amen pratinaja či o pravilia hem o dozvole so važinena e švedikane hem e jabandžikane pajale/ brodia ko amaro pani sledinenape. Ki amari buti izvšinaja tehnikano dikhibe hem inspekcie hem ko pobare pajale hem ko pristaništia. Amen kontrolirinaja či i roba korektno tovarinelape hem čhivelape, hem sa e bučarnen ki pajali isi ispravno kompetencia. E pajaleskiri firma e pajale dromarencar/putnikoncar valjani te pherel e siguribaskere zahtevia so isi či te šaj te sprečinel hem te vastingarel bibaht. Akate isi pomoreskoro spisako, so kedela informacia bašo odola pajale hem pobare pajale kaske valjani jek dozvola.

Avijacija

Amen keraja buti baši jek sigurimi avijacija e dromarenge hem so odova regulirinela e avijacijakoro branši te fungirinel konkurencijaja. Sar jek drumo ki odoja buti odgovorinaja disave dozvolenge hem licencenge pilotenge, avijacijakere firmenge hem aerodromienge.
But pravilia hem propisia ki avijacija odlučinenape ko internacionalnikano nivo. O informacie amenge ko Komunikaciono uprava tani te prilagodina olen ko amaro sistemi, keriba lafi save pravilia važinena hem te kontrolirina sar sledinenape. Amen isto daja komunikaciono dozvola odolenge so mangena te vastingaren komercialnikani avijacija ki Švedia.

Kontaktirin e Prevozeskere upravaja

Sako far šaj te akhare ki amende ki Prevozeskiri uprava preko amari telefonikani centrala ko telefoneskoro gendo 0771 -503 503. Ako akharea avrialdan tari i phuv e telefoneskoro gendo tano +46 771 503 503. Ki telefoneskiri centrala isi švedikano – hem anglikano personali.

E prevozeskiri upravakiri mušteriengiri usluga hem e telefoneskiri usluga tane phravde soro palokurko/ ponedelnik dži ko paraštuj /petok taro 08.00 – 16.30.